Reseı ımperııasy kezinde soǵylǵan asa sırek kezdesetin altyn monetalar saýdaǵa shyǵarylady
ASTANA. 25 jeltoqsan. QazAqparat - Heritage Auctions bássaýda úıi Nıý-Iorkte Reseı ımperııasynda shyǵarylǵan sırek kezdesetin altyn monetalardy satylymǵa shyǵarady.
Bul týraly ITAR-TASS habarlady.
«Kollektsıonerler men saýdagerlerge birinshi ret AQSh-ta kollektsııalardyń birinde jarty ǵasyrdaı saqtalǵan Reseıdiń sırek monetalaryn satyp alý múmkindigi beriledi», - dep atap kórsetti Heritagevıtse-prezıdenti Krıtıano Bırrınbah. Onyń pikirine qaraǵanda, 1729 jyly shyǵarylǵan ımperator Petr ІІ beınesi belgilengen altyn on somdyq satyp alýshylardyń asa zor qyzyǵýshylyǵyn týdyrmaq.
Sırek lottar qatarynda Máskeýde 1748 jyly shyǵarylǵan Elızaveta patshaıymnyń beınesi salynǵan altyn on somdyq ta bar. Onyń baǵalaý quny 20 myń dollardy quraıdy.
Bul shara Nıý-Iorkte qańtardyń 14 men 16-sy aralyǵynda ótedi. Oǵan onlaın rejiminde de qatysýǵa bolady. Jalpy alǵanda 150 elden jınalǵan 1,9 myń moneta saýdaǵa shyǵarylmaq.
