Reseı halqy jyl saıyn 1 mıllıon adamǵa azaıýda
ASTANA. 3 mamyr. QazAqparat - Muny Máskeýdegi Ekonomıkalyq boljamdar ınstıtýtynyń mamany Andreı Korovkın málimdedi.
Onyń aıtýynsha, sońǵy onjyldyqta reseılikterdiń qatary jylyna 0,5 paıyzǵa azaıyp otyrǵan, dep habarlaıdy «Qazaqstan» telearnasy .
Saılanǵan prezıdent Vladımır Pýtın turǵyndar sanyn 154 mıllıonǵa jetkizý josparyn jarııalap, ekinshi balany dúnıege ákelgen otbasylarǵa 10 myń dollar tólep otyr. Alaıda, keıbir demograftardyń pikirinshe, bul shara, ásirese, Sibir men Qıyr Shyǵysta halyq sanyn kóbeıtýge jetkiliksiz. Ózge bir mamandardyń oıynsha, demografııalyq problemany ortaazııalyq mıgranttardyń esebinen sheshýge bolady. Degenmen, gasterbaıterlerdiń kásibı biliktiligi men saýattylyq deńgeıi kópshiliktiń kóńilinen shyǵyp otyrǵan joq.
