Reseı halqy Konstıtýtsııaǵa túzetý engizý úshin daýys berip jatyr
MÁSKEÝ. TASS - QazAqparat - Reseı Konstıtýtsııasyna ózgertý engizý boıynsha daýys berý jeti kúnnen beri ótip jatyr. Ol 25 maýsymda bastaldy. 1 shilde - jalpyreseılik daýys berýdiń negizgi kúni. Ýchaskeler barlyq aımaqtarda jergilikti ýaqyt boıynsha 08:00-den 20:00-ge deıin ashyq, dep habarlaıdy QazAqparat TASS agenttigne silteme jasap.
Daýys sanaý jergilikti ýaqytpen 20:00-den keıin júrgiziledi. Eger saılaýshylardyń jartysynan kóbi túzetýmen kelisse, konstıtýtsııalyq túzetý nátıjeleri resmı jarııalanǵan kúni kúshine enedi.
Daýys berýge qatysý shegi belgilenbegen.
Buǵan deıin habarlanǵandaı, RF prezıdenti Vladımır Pýtın Konstıtýtsııaǵa tıisti túzetýler qabyldansa, jańa merzimge prezıdenttikke saılaýǵa túsetinin joqqa shyǵarmady.
Bul týraly ol «Rossııa-1» telearnasynda «Rossııa. Kreml. Pýtın» fılmine bergen suhbatynda aıtty.
