Reseı halyqaralyq qońyraýlarǵa tyıym salýdy josparlap otyr

ASTANA. KAZINFORM – Reseı Mınıstrler Kabıneti azamattardy kıberqylmyskerlerden qorǵaý boıynsha ekinshi sharalar paketin ázirledi, onda abonenttiń kelisiminsiz kiris halyqaralyq qońyraýlarǵa tyıym salý jáne mundaı qońyraýlardy mindetti túrde belgileý qarastyrylǵan, dep habarlaıdy Kazinform. 

RF úkimetiniń apparat basshysy Dmıtrıı Grıgorenkonyń https://tass.ru/obschestvo/25862961 aıtýynsha, bul sharalar telefon arqyly alaıaqtyq jasaý qaýpin azaıtýǵa baǵyttalǵan. 

- Úkimet azamattardy alaıaqtardan qorǵaý úshin ekinshi sharalar paketin daıyndady. Oǵan kıberqylmyspen kúresýge baǵyttalǵan shamamen 20 bastama kirdi, - dedi vıtse-premer. 

Sondaı-aq balalarǵa arnalǵan SIM-kartalardy engizý de qarastyrylyp jatyr, bul ata-analarǵa balalaryn qosymsha ótinish bermeı-aq orynsyz kontentten qorǵaýǵa múmkindik beredi. 

Grıgorenkonyń aıtýynsha, budan basqa bank kartalarynyń sanyna shekteýler engiziledi.

- Bul urlanǵan qarajatty qolma-qol aqshaǵa aıyrbastaý úshin jıi qoldanylatyn kartalardyń jappaı shyǵarylýyn shekteý arqyly alaıaqtyq aýqymyn azaıtady, - dep qosty ol. 

Telefon jáne ınternet alaıaqtyǵymen kúresýge arnalǵan 30-dan astam sharany qamtıtyn zańnamalyq túzetýlerdiń alǵashqy paketi osy jyldyń naýryz aıynda qabyldandy. Erejeler birtindep engizildi.

1 tamyzdan bastap Reseı turǵyndary SMS habarlamalar alýdan bas tartý múmkindigin aldy. 

Al 1 qyrkúıekten bastap olar «Memlekettik qyzmet» arqyly qajetsiz qońyraýlardan bas tartyp, jańa SIM kartalardy shyǵarýdy buǵattaı alady.

1 shildeden bastap Reseıde bıometrııalyq derekterin tapsyrmaǵan shetel azamattarynyń uıaly baılanysy óshirile bastaıtynyn jazǵan edik. https://kaz.inform.kz/news/reseyde-sheteldkter-baylanissiz-kalui-mumkn-e3f9ad/

Sondaı-aq Reseıde Max messendjeri mindetti bolatynyn jazdyq.

Al 2026 jyly Reseıde «Molnııa» messendjeri iske qosylatynyn jazǵan bolatynbyz.