Reseı: Habarovskide saýda ortalyǵyna aıý kirip ketti
ASTANA. QazAqparat - Habarovskide erekshe tótenshe jaǵdaı oryn aldy. «Podsolnýh" saýda ortalyǵyna qara aıý kirip ketkendikten, polıtsııa jasaǵy shaqyrtyldy, dep habarlaıdy planet-today.ru.
Jol jáne patrýldi polıtsııa aıý júrgen jerdi qorshaýǵa aldy. Keıbireýleri adamdarǵa bolyp jatqan oqıǵa jaıly eskertti. Al aıý shyny esikti buzyp, saýda ortalyǵynyń zalyna kirdi. Abyroı bolǵanda onda azamattar bolmady.
Shynynyń synyǵynan jaraqattanǵan aıý qoǵam úshin qaýip tóndirgendikten tártip saqshylary ony atýǵa májbúr boldy. Aıýdyń óli denesin oqıǵa ornyna kelgen ańshylar alyp ketti.
