Reseı GLONASS-tyń Argentınada paıda bolýyn kútip otyr
ASTANA. QazAqparat - Reseı GLONASS stansalaryn (Jahandyq navıgatsııalyq spýtnıktik júıe) ornalastyrý boıynsha Argentına basshylyǵynyń ońtaıly sheshimin kútip otyr. Bul týraly RF Prezıdenti Vladımır Pýtın málim etti.
Jaqynda Pýtın latynamerıkalyq elderge týrnesi aıasynda GLONASS stansalaryn Nıkaragýa men Kýbada ornalastyrý máselesin kótergen bolatyn.
Reseılik «Jahandyq navıgatsııalyq spýtnıktik júıe» týra dáldikpen teńiz, áýe jáne qurlyqtaǵy nysandardyń koordınaty men jyldamdyǵyn anyqtaýǵa arnalǵan.
Aıta keteıik, 2014 jyldyń sáýirinde AQSh tarapy óziniń aýmaǵynda jerdegi segiz stansany ornalastyrýǵa Reseı tarapyna ruqsat bermedi.
Jeksenbide Reseı basshysy Brazılııaǵa saparlap, onda ol fýtboldan álem chempıonatyn ótkizý quqyǵyn tapsyrý rásimine qatysqan bolatyn. Osy saltanatty sharanyń aldynda Pýtın Brazılııa Prezıdenti Dılma Rýsefpen, sondaı-aq FIFA basshysy Iozef Blattermen kezdesti.
