Reseı ǵaryshkeri HǴS bortynda parlament saılaýyna daýys berdi
ASTANA. QazAqparat - HǴS bortyndaǵy jalǵyz reseılik ǵaryshker Anatolıı Ivanıshın Memlekettik dýmanyń saılaýynda daýys berdi. Bul týraly reseılik «RIA Novostı» agenttigi habarlaıdy.
«Ol jabyq baılanys arnasy arqyly senimdi ókili - Ǵaryshkerler otrıadynyń komandıriniń orynbasary Oleg Kononenkoǵa óz tańdaýyn habarlady. Al ol óz kezeginde bıýlletendegi qajetti tarmaqty belgilep ony UBO-ǵa jetkizilgen daýys berý ýrnasyna saldy», - dep málim etken Reseılik Ushýlardy basqarý ortalyǵynyń ókili.
Daýys berý ótken ýaqytta Halyqaralyq ǵarysh stansasy Atlant muhıtynyń Kanar araldary ústinen ushyp bara jatqanr.
UBO ókiliniń aıtýynsha, senimdi ókil arqyly HǴS-daǵy ǵaryshkerlerdiń daýys berýi buǵan deıin de Reseı prezıdenti jáne parlamenti saılaýynda qolldanylǵan.
