Reseı Federaldyq ǵarysh agenttiginiń iri qurylymy basshysynan aıyryldy

ASTANA. 6 jeltoqsan. QazAqparat - Jer ústindegi ǵarysh ınfraqurylymyn paıdalaný ortalyǵynyń bas dırektory Aleksandr Fadeev jumystan ketý jóninde aryz jazdy. A.Fadeev 19 jyldyq tarıhy bar Reseıǵarysh kásipornyn 14 jyl basqaryp keldi, dep habarlady Ýtro.rý.

«Kommersant» basylymynyń jazýynsha, Fadeev qyzmetten ketetindigi jóninde sheshimdi 4 jeltoqsan kúni keshke qabyldap, 5 kúni tańerteń Reseıǵarysh basshysyna qol qoıýǵa jiberildi. Basylymnyń aqparatyna qaraǵanda, Fadeevtyń ketýi onyń Reseıǵaryshynyń jańa basshylyǵymen túsinise almaýymen baılanysty. Al vedomstvoda «bul onyń óz sheshimi, sondyqtan ony syılaýymyz kerek» dep málimdedi. Fadeevtiń ózi bolsa, qyzmetinen ketetindigi jóninde aryz jazǵanyn rastady, alaıda ketýge ne sebep bolǵanyn aıtýdan bas tartty.