Reseı Federatsııasynyń Úkimeti otstavkaǵa ketedi
MÁSKEÝ. QazAqparat – Reseı Federatsııasynyń Úkimeti tolyq quramda otstavkaǵa ketedi. Bul týraly Mınıstrler kabınetiniń basshysy Dmıtrıı Medvedev málimdedi, dep habarlaıdy «QazAqparat» HAA menshikti tilshisi.
RF Premer-mınıstri Dmıtrıı Medvedev el Prezıdentiniń Konstıtýtsııaǵa ózgerister engizý týraly jasaǵan usynysy aıasynda is basyndaǵy Úkimettiń tolyq quramda otstavkaǵa ketýin jón dep sanaıdy, dep jazady TASS.
«Atap ótilgendeı, talqylaýdan keıin atalmysh ózgerister qabyldanǵan jaǵdaıda, olar Konstıtýtsııanyń birqatar baptaryna ǵana emes, sondaı-aq tutastaı bıliktiń, atqarýshylyq bıliktiń, zańnamalyq bıliktiń, sot bıliginiń balansyna aıtarlyqtaı ózgerister engizedi. Bul kontekstte biz Reseı Federatsııasynyń úkimeti retinde elimiz Prezıdentine qajetti barlyq sharalardy qabyldaýǵa múmkindik berýimiz qajettigi túsinikti. Jáne osy jaǵdaıda, RF Konstıtýtsııasynyń 117-babyna sáıkes Reseı Federatsııasynyń úkimeti búgingi quramynda otstavkaǵa ketkeni durys dep sanaımyn», - dedi D.Medvedev.
RF Prezıdenti Vladımır Pýtın el Konstıtýtsııasyna ózgerister engizýdi usynǵanyn buǵan deıin jazǵan bolatynbyz.
