Reseı Federatsııasynyń 228 azamaty Jambyl oblysynda turýǵa yqtııar hat alǵan

TARAZ. QazAqparat - Jambyl oblysy polıtsııa departamentiniń Kóshi-qon qyzmeti óńirge kelgen Reseı azamattary týraly málimetter usyndy, dep habarlaıdy QazAqparat tilshisi.

Kóshi-qon qyzmeti basqarmasynyń basshysy Arman Turdalıevtiń aqparatyna sáıkes, 2022 jyldyń basynan beri oblysqa Reseı Federatsııasynyń 1 553 azamaty ýaqytsha kelgen bolsa, 2021 jyly olardyń sany 1 491 adam bolǵan.

«Bıyl oblysymyzǵa kelgen reseılikterdiń 71-i jumysqa kelgenin aıtsa, 2021 jyly osy sebeppen 65 adam tirkeldi. Jeke sharýalarymen kelgen reseılik azamat sany – 1 357 (2021 jyly – 1 295). Reseı Federatsııasynyń 853 azamaty ákimshilik jaýapkershilikke tartyldy (2021 jyly - 791), bir adam elden shyǵaryldy, ótken jyly úsheý edi», - dep túsindirdi ol.

Spıkerdiń aıtýynsha, Reseı Federatsııasynyń azamattaryna qatysty 5 qylmystyq is qozǵaldy (2021 jyly – 48), olar 4 qylmys jasady (2021 jyly – 6). Osy kezeńde Reseı Federatsııasynan kelgen 6 adamǵa el azamattyǵy berildi (2021 jyly – 12), azamattyǵy joq 76 adam anyqtalǵan (2021 jyly – 71), Reseı Federatsııasynyń 228 azamaty óńirde turýǵa yqtııar hat aldy (2021 jyly – 234).