Reseı Federatsııasynan asa aýyr qylmys jasaǵan Astana qalasynyń turǵyny ekstradıtsııalandy - elordalyq ІІD
ASTANA. 5 qyrkúıek. QazAqparat - Reseı Federatsııasynan elorda aýmaǵynda asa aýyr qylmys jasaǵan Astana qalasynyń turǵyny ekstradıtsııalandy, dep habarlady qalanyń ІІD.
Aǵymdaǵy jyldyń 10 naýryzynda Astana qalasynyń ІІD jedel basqarý ortalyǵyna «Evrazııa» SÚ mańyndaǵy jataqhana podezinen kúshtep óltirilgen er adamnyń máıiti tabyldy degen habarlama túsken.
Oqıǵa ornyna kóp keshikpeı Astana qalasy ІІD jeke tulǵaǵa qatysty qylmystardy tergeý bóliminiń tájirıbeli qyzmetkerlerinen quralǵan jedel-tergeý toby shyqty. Jedel sharalardyń barysynda olar qylmyskerdiń kim ekendigin anyqtady. Onyń narkologııalyq esepte turǵan Astana qalasynyń 26 jastaǵy turǵyny ekendigi belgili boldy. Qylmystyq jazadan qutylý úshin aıypty dál sol kúni Qazaqstan Respýblıkasynan ketip qalǵan.
Jedel izdeý sharalaranyń barysynda polıtsııa qyzmetkerleri kúdiktiniń RF Kalınıngrad qalasynda jasyrynyp júrgenin anyqtady. Astana qalasynyń ІІD Tergeý basqarmasynyń qyzmetkerlerimen oǵan halyqaralyq izdeý jarııalandy.
Reseı Federatsııasy quqyqqorǵaý organdarynyń ókilderimen kúdiktini ustaýǵa qatysty birlesken jumystar júrgizildi. Aǵymdaǵy jyldyń 16 naýryzynda kúdikti RF quqyqqorǵaý organdarynyń qyzmetkerlerimen Kalınıngrad qalasynda ustaldy.
Aǵymdaǵy jyldyń 2 qyrkúıeginde Mınsk konventsııasyna saı, kúdikti QR ekstradıtsııalandy. Elordaǵa ol arnaıy qaraýyl jasaǵymen jetkizildi.
Tergeý barysynda kúdikti bultartpaıtyn dálelder men aıǵaqtarǵa qatysty asa aýyr qylmysty jasaǵanyn moıyndady. Ol aǵymdaǵy jyldyń 10 naýryzy kúni «Evrazııa» SÚ mańyndaǵy jataqhana podezinde ózimen birge turyp jatqan jas jigitpen sózge kelip qalǵanyn jáne onyń sońynan oǵan eki ret pyshaq suǵyp alǵanyn aıtqan. Alǵan jaraqattardan zardap shegýshi oqıǵa ornynda jan tapsyrǵan. Kúdikti sonymen qatar osy daýdy aralasyp, toqtatpaq bolǵan kórshisin jaralaǵan.
Jasalǵan qylmys boıynsha ustalǵan kúdiktige qatysty QR QK 96-babynyń 1-tarmaǵy boıynsha qylmystyq is qozǵaldy.
