Reseı Federatsııasyna Qazaqstan aýmaǵynan mal ónimderin shyǵarýǵa shekteý alyndy
ASTANA. Qazannyń 20-sy. QazAqparat. Ústimizdegi jyldyń qazan aıynda reseı jaǵynyń bastamashylyǵymen QR Aýylsharýashylyq mınıstrligi Agroónerkásiptik kesheni memlekettik ınspektsııa komıteti tóraǵasynyń orynbasary N.Jaqypbaevtyń, Aqtóbe, Qostanaı, Batys Qazaqstan oblystary aýmaqtyq ınspektsııalary bastyqtarynyń jáne Orynbor oblysy boıynsha Rosselhoznadzor Basqarmasy bastyǵynyń orynbasary G.Zaharovpen kezdesýi boldy.
dep habarlaıdy mınıstrliktiń baspasóz qyzmeti.
Kezdesý barysynda eki eldiń shekaralyq aımaqtary arasynda mal ónimderin jetkizýge baqylaý júıesin naqtylaý jóninde máseleler talqylandy.
Kezdesý qorytyndysy boıynsha Aqtóbe, Batys Qazaqstan jáne Qostanaı oblystarynan mal sharýashylyǵy ónimderin Reseı Federatsııasynyń Orynbor oblysyna tasymaldaýǵa Rosselhoznadzormen engizilgen shekteýlerdi alyp tastaý týraly memorandýmǵa qol qoıyldy.
Bul óz kezeginde, reseılik kásipkerler úshin óz ónimderin Reseı Federatsııasynyń Orynbor oblysynan Qazaqstan Respýblıkasynyń Aqtóbe, Batys Qazaqstan jáne Qostanaı oblystaryna eksporttaýǵa múmkinshilik ashty.
