Reseı elshisi Qazaqstandaǵy qyzmetiniń basymdyqtaryn atady
ASTANA. QazAqparat - Reseı Federatsııasynyń Tótenshe jáne Ókiletti elshisi Alekseı Borodavkın Qazaqstandaǵy qyzmetiniń basymdyqtaryn atady, dep habarlaıdy QazAqparat.
«Ótinishimmen qabyldaǵanyńyz úshin dán rızamyn. Árıne, bizdiń memleketaralyq qarym-qatynasymyzdyń negizin birinshi kezekte Reseı men Qazaqstan Prezıdentteriniń arasyndaǵy óte tyǵyz ári dostyq yntymaqtastyq qalyptastyryp otyr», - dedi ol búgin Aqordada QR Memlekettik hatshysy Gúlshara Ábdiqalyqovamen kezdesýi barysynda.
Osy rette Elshi Qazaqstanǵa jol júrer aldynda RF Prezıdenti Vladımır Pýtınniń qabyldap, tilektestigin bildirgendigin aıtty.
«Astanaǵa jol júrer aldynda meni Reseı Prezıdenti Vladımır Pýtın qabyldap, tilektestigin bildirgendigin atap ótkim keledi. Ol meniń Reseı men Qazaqstan arasyndaǵy odaqtastyq qarym-qatynasty damytýǵa jan-jaqty kómek kórsetip, ilgeriletýdegi, Nursultan Ábishuly Nazarbaev qurylýyna bastamashylyq etken EAEO baǵytynda bizdiń elderimizdiń ekonomıkalyq yqpaldastyǵyna járdemdesýdegi rólimdi atap ótti», - dedi Aleksandr Borodavkın. 
Sonymen qatar Reseı elshisi UQShU jáne basqa da baǵyttar aıasyndaǵy yntymaqtastyqty damytý mańyzdylyǵyna nazar aýdardy.
«Bizdi ózara qarym-qatynasymyz halyqtarymyzdyń arasyndaǵy ashyqtyq, adaldyq jáne ózara qurmetpen sıpatalady. Bizdiń keń aýqymdy taýsylmas kún tártibimizdi tolyqtyra túsýde aıtarlyqtaı nátıjege qol jetkizý úshin barlyq kúsh-jigerimdi jumsaıtyn bolamyn», - dedi ol.
