Reseı elektr toǵynan ıadrolyq otyn alýdy úırendi
ASTANA. QazAqparat - Qıyr Shyǵys federaldy ýnıversıtetiniń ǵalymdary elektr toǵynan ıadrolyq otyn alýdyń jańa ádisin oılap tapty.
Ol qunynyń tómendigimen, óndiris jyldamdyǵynyń joǵarylyǵymen jáne ónimniń úzdik sapasymen erekshelenedi. Bul týraly TASS agenttigi ýnıversıtettegi Jaratylystaný ǵylymdary mektebiniń ıAdrolyq tehnologııalar akademııalyq departamentiniń dırektory, Reseı Ǵylym akademııasynyń korrespondent-múshesi Ivan Tananaevqa silteme jasap habarlady.
«Bizdiń ádistiń negizgi ıdeıasy untaq ornalastyrylǵan press-formany elektr toǵymen qyzdyrý bolyp tabylady. Osyndaı jaǵdaıda ýran-oksıdti otynyna bir mezgilde qýatty ımpýlsti razrıad pen mehanıkalyq qysym áser etedi», - deıdi Tananaev.
Ǵalymnyń aıtýynsha, ádistiń basty artyqshylyǵy - óndiris jyldamdyǵynyń artýy men ónim sapasynyń joǵarylaýy. Otyndy standartty tehnologııaǵa jaramsyz sanalatyn ýran dıoksıdinen de alýǵa bolady.
