Reseı EKSPO-2025 kórmesin ótkizýge ótinish berdi
ASTANA. QazAqparat - EKSPO-2017-degi Reseı pavılonynda RF Ekaterınbýrg qalasynda EKSPO-2025 Búkilálemdik ámbebap kórmesin ótkizý quqyn alý baǵytyndaǵy tusaýkeser ótkizildi, dep habarlaıdy russiaexpo2017.ru.
EKSPO-2025-ti ótkizý quqyn alýǵa ótinishti Sverdlov oblysynyń vıtse-gýbernatory Aleksandr Vysokınskıı usyndy.
Ekaterınbýrg - Sverdlov oblysyndaǵy, sondaı-aq óńirdegi ónerkásip, ǵylym, bilim men mádenıet, mańyzdy logıstıkalyq jáne servıstik iri ortalyq.
Qalada bir jarym mıllıon adam turady.
Oblys Reseıdiń ónerkásip ónimderiniń 40 paıyzyn shyǵarady,sondaı-aq álem boıynsha tıtannyń 30 paıyzyn óndiredi.
Ekaterınbýrgte BRIKS sammıti, Reseı-EO sammıti, ShYU sammıti ótkizilgen. Munda ózge de álemdik deńgeıdegi birneshe sharalar uıymdastyrylǵan.
Sondaı-aq 2018 jyly fýtboldan álem chempıonaty ótkiziledi.
Tanystyrylym barysynda sóz alǵan Qazaqstandaǵy Reseıdiń elshi-keńesshisi Aleksandr Mýsıenko sheteldik áriptesterine qarata: «Biz Ekaterınbýrgtiń «EKSPO - 2025» ótkizý quqyna ıe bolý jónindegi ótinishin ilgeriletýge dostarymyz ben áriptesterimizdiń qoldaýyna senemiz»,- dep atap ótti.
