Reseı dýmasynyń depýtaty «toqal» alǵandardy jazalaýǵa qarsy shyqty
ASTANA. QazAqparat - Reseı dýmasynyń Otbasy máselesi komıtetiniń basshysy Elena Mızýlına kóp áıel alýdy jazalaý týraly bapty RF Qylmystyq kodeksine qaıta engizý týraly usynysqa qarsy shyqty dep jazady, «VVS» agenttigi.
«Bul úshin qylmystyq jazaǵa tartý durys emes. Óıtkeni, másele Qylmystyq kodekste baptyń joqtyǵynda emes, áıelder jar tańdap, bala súıgisi keletin er adamdardyń azdyǵynda», - dedi Mızýlına. Onyń aıtýynsha, Reseıde onsyz da bir adammen ǵana zańdy nekege tura alady. Al dinı kózqarastarǵa baılanysty qıylǵan neke zańdy bolyp eseptelmeıdi.
