Reseı dýmasy nasybaı satýǵa tyıym saldy
ASTANA. 26 qańtar. QazAqparat - Reseı Dýmasy nasybaı satýǵa tyıym saldy. Mundaı túzetý «Halyqtyń densaýlyǵyn aınaladaǵy temeki tútininen jáne temeki tartýdyń saldarynan qorǵaý týraly» zań jobasyn talqylaý barysynda engizildi.
Bul týraly ITAR-TASS habarlap otyr.
RLDP-dan saılanǵan depýtat Dmıtrıı Nosov atalmysh túzetýde «nasybaıdy óndirý jáne kóterme/bólshek saýdaǵa shyǵarýǵa tyıym salynatyndyǵyn» atap ótti. «Máselen, Ózbekstandaǵy erin ragynyń 90 paıyzy dál osy nasybaı atqannyń kesirinen bolyp otyr», - dedi ol.
Oǵan jaýap retinde «Edınaıa Rossııadan» saılanǵan Dýmanyń densaýlyq saqtaý komıtetiniń depýtaty Nıkolaı Gerasımenko «komıtettiń bul bastamany qoldaıtyndyǵyn» jetkizgen.
