«Reseı» dúkenine jarylǵysh zat qoıyldy degen telefon lańkesi qolǵa tústi - Almaty ІІD
ALMATY. 25 naýryz. QazAqparat /Názıra Eleýhan/ - Almatyda osy aıdyń basynda qalanyń kúsh qurylymdary men tótenshe jaǵdaı qyzmetkerleri «Reseı» dúkenine jarylǵysh zat qoıyldy degen aqparat túsken boıda
saýda úıiniń árbir sharshy metrin tekserip, mańaıdy túgel derlik súzip shyqqan bolatyn. Kúsh qurylymdaryna osyndaı «synaq» tapsyrtqan azamat, telefon lańkesi aqyry qolǵa tústi, dep habarlaıdy Almaty qalasynyń ІІD-niń baspasóz qyzmeti.
"Alǵashqy qońyraý qutqarý qyzmetine 10 naýryzda túngi on shamasynda kelip tústi. Ekinshi qońyraý 14 naýryz kúni keshki saǵat 7-de shalyndy. Shuǵyl qurylǵan arnaýly jedel-tergeý toby bolǵan eki oqıǵany qatar salystyryp, bir adamnyń jalǵan habary ekenine shúbá keltirmedi. Sol mańaıǵa jaqyn jerde qurylys alańynda eńbek etip júrgen ózbekstandyq azamat kóp uzamaı polıtsııa bólimine jetkizildi. Ony qolǵa túsirer aldynda birqatar aıǵaqty dáleldeme qujattary jınalyp, onyń daýysyna deıin taspaǵa jazylǵan aýdıojazba tergeý isine qattaldy. Qolǵa túsken azamat alǵashqy jaýap alý kezinde óz aıybyn moıyndady", - dep habarlady Almaty qalasy ІІD Uıymdasqan qylmysqa qarsy kúres basqarmasy bastyǵynyń orynbasary Ǵanı Jumaǵulov.
Onyń aıtýynsha, ol azamat tótenshe qyzmetterdiń jumystaryn synamaq bolǵan. "Tótenshe qyzmettiń tıimdi jumys isteıtin bilý onyń qońyraý soǵýyna basty sebep bolǵan. Eki márte shalynǵan qońyraýdyń saldarynan jınalǵan kúsh qurylymdarynyń syrtynan ózi baqylap kórip júripti. Bir kórgennen tolyq aqyldy, deni saý azamatqa qosymsha sottyq-psıhıkalyq saraptaý taǵaıyndaldy. Bul azamattyń jeke basyn kýálandyratyn qujattary tolyq bolmaı shyqty. Sol sebepti, biz ózbekstandyq áriptestermen baılanysyp, onyń ótken ómirine sholý jasaýdy jón dep taptyq. Qazir Medeý AІІB-da jalǵan lańkestik akti týraly qońyraý shalý oqıǵasy boıynsha is qozǵalýda», - dedi polkovnık Ǵ. Jumaǵulov.
