Reseı DSU aıasynda ózine júktegen mindetterdi tolyq kólemde oryndap otyrǵan joq - saýda jónindegi eýrokomıssar Karel De Gıýht
BRıÝSSELЬ. 6 jeltoqsan. QazAqparat - Reseı Dúnıejúzilik saýda uıymy aıasynda ózine júktegen mindetterdi tolyq kólemde oryndap otyrǵan joq.
Mundaı pikirdi saýda jónindegi eýrokomıssar Karel De Gıýht Eýroparlamentte RF-nyń DSU-ǵa kirýine qatysty ótken semınar barysynda bildirdi.
«Reseı DSU-ǵa músheligin reformalardy júzege asyrý úshin paıdalanyp otyrǵan joq. Onyń ústine Reseı atalmysh uıym aıasyndaǵy óziniń mindetterin árkezde oryndaı bermeıdi», - dep atap ótti eýrokomıssar.
K.De Gıýhttiń aıtýynsha, Reseıdiń DSU-ǵa kirgennen keıin ımportty avtomobılderge engizgen qaldyqtardy paıdalaný alymy tıimsiz shara bolyp tabylady. «Bul dıskrımınatsııalyq shara bolyp tabylady jáne DSU-nyń erejelerine sáıkes kelmeıdi», - dedi ol.
Ózge problemalar arasynda eýrokomıssar Reseıdiń Eýroodaq elderinen asa qataıtylǵan veterınarlyq talaptardy qanaǵattandyrmaıtyn jekelegen mal túrlerin elge ákelýge engizgen tyıymyn atap ótti.
Onymen qosa, Eýroodaq Reseıdiń azyq-túlikterdiń júzdegen túrine kedendik stavkalardy arttyrý boıynsha birjaqty sheshimine narazy. Bul da stavkalardyń tómen deńgeıin saqtaýǵa qatysty DSU talaptaryna sáıkes kelmeıdi.
K.De Gıýhttiń sózine qaraǵanda, EO bul problemaly máselelerdi aldaǵy jeltoqsannyń 21-i kúni Brıýsselde ótetin «Reseı-Eýroodaq» sammıtinde kóterýge nıetti.
