Reseı depýtattary azamattarynyń dinı senimin qorǵaýǵa kiristi
ASTANA. 27 qyrkúıek. QazAqparat - Memlekettik Dýma «Reseı Federatsııasy azamattarynyń dinı senimin qorǵaý týraly» ótinishti qabyldady.
Onda sońǵy ýaqytta azamattardyń nanym-senimin qorlaý oqıǵalarynyń jıilep ketkeni aıtylǵan. «Muny ekstremızm, vandalızm, dinı qaıratkerlerdi óltirip ketý, dindarlarǵa zorlyq kórsetý jáne t.b. jaǵdaılardan da baıqaýǵa bolady» delingen aqparat kózinde. Bul týraly muslim.kz saıty habarlaıdy.
Memlekettik Dýmadaǵy barlyq fraktsııanyń depýtattary din aınalasyndaǵy kez kelgen qylmystardy biraýyzdan aıyptaı otyryp, dinge qarsy ekstremızmdi jaqtaıtyn, Orys pravoslav shirkeýine jáne ózge de dinı uıymdarǵa qoǵamdy aıdap salatyn keritartpa kúshterge toıtarys berý kerek dep esepteıdi.
Zań shyǵarýshy organ «hrıstıan, ıslam, ıýda jáne býdda dinderi Reseı halqynyń tarıhı murasy, sondaı-aq, elde turaqtylyq ornatýda, kelisimge kelýde dástúrli dinderdiń alar orny aıryqsha» dep sanaıdy.
Depýtattar, ásirese, dinı jetekshilerdi óltirip ketý, dindarlarǵa zorlyq-zombylyq kórsetý, kresterdi aralap ketý, shirkeýlerdi qıratý, qıturqy aktsııalardy uıymdastyrý, beıitterdi talqandaý sekildi taǵylyqtartyń jıilep ketkenine alańdap otyr. Munyń bári ǵasyrlar boıy qalyptasqan Reseıdiń rýhanı baılyǵyn qurtýǵa baǵyttalǵan. Sol sebepti, el egemendigine qaýip tóndiredi delingen ótinishte.
