Reseı delegatsııasy Alıaskaǵa keldi

ASTANA. KAZINFORM – Reseı delegatsııasy Alıaskaǵa keldi, dep habarlaıdy TASS.

«Rossııa» arnaıy ushý otrıadyna tıesili ekinshi Il-96 ushaǵy Ankorıdj qalasyna qondy. Onyń bortynda Kreml pýlyna kiretin jýrnalıster men Reseı delegatsııasynyń bir bóligi bar. Olar Reseı men AQSh prezıdentteri Vladımır Pýtın men Donald Tramptyń sammıtine bara jatyr.

Flightradar servısiniń deregine sáıkes, áýe kemesi Alıaskadaǵy Ankorıdj áýejaıyna qonǵan.

Buǵan deıin Ankorıdjge taǵy bir arnaıy Il-96 ushaǵy qonǵan edi. TASS habarlaýynsha, onyń bortynda Pýtın men Tramptyń sammıtin daıyndaýmen aınalysatyn aldyńǵy toptardyń biri bolýy múmkin.

Materıaldy seriktes agenttik – TASS usyndy.

Eske sala ketsek, 15 tamyzda Ankorıdjde AQSh prezıdenti Donald Tramp pen Reseı prezıdenti Vladımır Pýtınniń kezdesýi ótedi.

Buǵan deıin Vladımır Pýtın 15 tamyzda Alıaskada ótetin Reseı-AQSh kezdesýine daıyndyq aıasynda Reseıdiń joǵary basshylyǵynyń, Úkimet jáne Prezıdent Ákimshiligi ókilderiniń qatysýymen keńes ótkizgen edi.