Reseı delegatsııasy Maastrıht strategııasyna tolyqtyrý engizý týraly Qazaqstannyń ıdeıasyna qoldaý bildirdi - V. Voronkov
ASTANA. 28 qarasha. QazAqparat /Qanat Mámetqazyuly/ - Búgin elordada EQYU aıasyndaǵy Sholý konferentsııasynyń jalpy otyrysynda Reseı delegatsııasy Maastrıht strategııasyna tolyqtyrý engizý týraly Qazaqstannyń ıdeıasyna qoldaý bildirdi.
«Ekonomıkalyq-ekologııalyq ólshemder boıynsha ótken Sholý konferentsııasyndaǵy talqylaýlar barysynda bul saladaǵy yntymaqtastyqty damytýǵa qatysty barlyqtaryna uqsas kózqarastar ustanyp otyrmyz. Al aldaǵy mindetter tizimine ǵylymı-tehnıkalyq yntymaqtastyq, ınnovatsııalyq tehnologııa salasyndaǵy tájirıbe amasýlar, saýdaǵa qatysty kemsitýshilik sharalaryn joıý máselelerin kirgizýge bolady», - dedi Reseı delegatsııasynyń basshysy Vladımır Voronkov.
Onyń aıtýynsha, EQYU keńistiginde tabıǵı jáne tehnogendik apattardyń aldyn alýǵa qatysty barabar tetikterdi jetildirýdiń de mańyzy zor. «Jalpy, biz 2003 jyly qabyldanǵan Maastrıht strategııasyna tolyqtyrýlar engizý týraly Qazaqstannyń ıdeıasyna tolyq qoldaý bildiremiz», - dedi V. Voronkov.
