Reseı dárigerleri Qazaqstan óńirlerinde koronavırýspen kúresedi
«Búgin meniń áriptesim - Reseı Densaýlyq saqtaý vıtse-mınıstri Oleg Grıdnev bastaǵan 32 adamnan turatyn dárigerler toby kelip otyr. Bul sapar eki el basshylary deńgeıinde qol jetkiziligen ýaǵdalastyq arqasynda oryn alýda. Sapar maqsaty - koronavırýs indetimen kureste tájirıbe almasý. Qazaqstan men Reseı dárigerleri araasynda tyǵyz baılanystyń erteden qalyptasyp úlgergendigi qupııa emes. Biz ony aldaǵy ýaqytta damyta túspekpiz», - dedi elorda áýejaıynda Reseıden kelgen áriptesterin qarsy alǵan QR Densaýlyq saqtaý birinshi vıtse-mınıstri Marat Shoranov.
Onyń atap ótýinshe, Reseıden kelgen dárigerler Nur-Sultan qalasynyń, sonymen qatar elimizdegi epıdemıologııalyq ahýalǵa baılanysty batys ne bolmasa ońtústik óńirimizdiń medıtsına qyzmetkerlerine kómek kórsetetin bolady. Degenmen, qazirgi ýaqytta reseılik dárigerlerdiń qaı óńirlerge baratyndyǵyna qatysty naqty sheshim qabyldanǵan joq. Sonymen qatar reseılik dárilerlerdiń elimizde qansha ýaqyt kómek kórsetetindigin naqty aıqyndalǵan emes. Qajettilik týyndaǵan jaǵdaıda olardyń elimizdegi sapary uzartylýy da múmkin.
«Áriptesterimizben belgili bir óńirdegi ahýal turaqtanǵanǵa deıin reseılikterdiń bizden birge bolatyndyǵy týraly ýaǵdalastyqqa qol jetkizilgen edik. Biz onlaın rejıminde ınfektsıonıst, epıdemıolog dárigerlerimizben de birqatar semınar ótkizýdi josparlap otyrmyz. Bul qazaqstandyq jáne reseılik dárigerlerdiń birlese ázirlegen ázirlemeleriniń búkil el aýmaǵynda qoldanylýyna qol jetimdi bolýy úshin jasalady», - dedi Marat Shoranov.
Buǵan deıin Reseıden bir top dárigerdiń Qazaqstanǵa kelgenin habarlaǵan edik.
