Reseı tsıfrlyq tehnologııalardy Qazaqstanmen birlesip damytýdy qalaıdy - RF mınıstri Nıkıforov

ASTANA. QazAqparat - Astanadaǵy tsıfrlandyrý máseleleri boıynsha respýblıkalyq keńeske Reseıdiń baılanys jáne buqaralyq kommýnıkatsııalar mınıstri Nıkolaı Nıkıforov qatysty. Onyń aıtýynsha, Qazaqstanmen Reseı tsıfrlyq tehnologııalardy birlesip damytýy qajet.

«Búginde tehnologııalardy syrttan jaı ákelip qoıýmen shektelmeý kerek. Odan da tereń boılaǵanymyz jón. Sonyń barlyǵyn ózimiz damytyp, tsıfrlyq ekonomıkalarymyzdy kúsheıtýimiz kerek. Búgingi múmkindikti paıdalanyp, osy saladaǵy jumysty birlesip júrgizýge shaqyramyn. Árıne, ol úshin ýnıversıtterdiń yntymaqtastyǵy kerek, birlesken zertteýlerdi júrgizý kerek. Tsıfrlyq ekonomıkany damyta otyryp, osy saladaǵy tehnologııalardy da damytýymyz asa qajet», - dep atap kórsetti N.Nıkıforov.

Onyń aıtýynsha, Qazaqstan men Reseı bireýdiń tehnologııasyn paıdalana bermeı, osy salada kóshbasshy memleketterge aınalsa, eki eldiń ekonomıkalary kóteriledi, halyqtyń ál-aýqaty ósedi. «Odan bárimiz utamyz,barlyq Eýrazııalyq ekonomıkalyq utady», - deıdi reseılik mınıstr.

Aıta keteıik, búgingi keńeske QR Prezıdent Nursultan Nazarbaev tóraǵalyq etti. Sol jerde BitFury Group-tyń jetekshisi Valerıı Vavılov blokcheınniń basty artyqshylyǵy jaıynda aıtyp berdi.