Reseı tsıfrlyq ekonomıkaǵa kóshýde Qazaqstanmen qatar júrgendi qalaıdy
«Bizdiń ekonomıkalardy tsıfrlandyryp jatqan negizgi tehnologııalardy eki el birlesken túrde iske asyrýy tıis dep paıymdaımyn. Bul turǵyda úlken málimetterdi qamtıtyn tehnologııalar, úlestirilgen reestrdiń tehnologııalary, jasandy ıntellekt, robottar, sensorlar jáne basqa da mańyzdy baǵyttardy qamtý kerek. Bizdiń kúsh-jigerdi biriktire otyryp, bul tehnologııalardy birge jasaýǵa mán berýimiz qajet. Sebebi Qazaqstannyń jáne Reseıdiń ekonomıkalaryn tsıfrlandyrý basqa da sheteldik ónimdermen shektelmeı, ózimizdiń tehnologııalarmen qamtylýy tıis», - dedi reseılik mınıstr.
Onyń sózine qaraǵanda, tsıfrlandyrý málimetter men bilimge, ıaǵnı adamǵa negizdelgen ekonomıka bolyp tabylady. Sondyqtan da onyń aıasynda adamı kapıtalǵa kóp mán bergen durys. Osy oraıda mekteptegi, joǵary oqý ornyndaǵy júıeni aýystyrý qajet bolyp tur.
Nıkıforovtyń paıymynsha, bul máselede Qazaqstan saıası batyl qadamdardy tanytyp otyr.
«Qazaqstannyń jáne Reseıdiń aýmaǵy úlken ekeni belgili. Sonymen qatar adamdar sany az eldimekender de barshylyq. Bul óz kezeginde qazirgi zamanǵy baılanystyń ózin qamtamasyz etý úshin qomaqty ınfraqurylymdyq shyǵyndardy jumsaýdy qajet etedi», - deıdi mınıstr.
Budan buryn habarlanǵandaı, búgin tsıfrlandyrý máselesine arnalǵan respýblıkalyq keńeste Elbasy Nursultan Nazarbaev tsıfrlandyrý jóninde Qazaqstan, Reseı jáne Belarýs arasynda birlesken komıssııa qurý qajettigin atap ótti.
«Bastamashy ózim bolǵan Eýrazııalyq ekonomıkalyq odaqtamyz. Reseı, Qazaqstan jáne Belarýs kúsh biriktire otyryp, komıssııa jáne birlesken baǵdarlama qurýdy usynamyn. EAEO-nyń basqa múshelerin renjitkim kelmeıdi. Olar da qosyla alady. Biraq biz birinshi kezekte tsıfrlandyrý boıynsha komıssııa quryp, ilgeriletýimiz kerek. Óıtkeni, ártúrli tájirıbe bar. Biz olardy bir-birimizben bólisip, kómektese alar edik. Mamandar da bar», - dedi Qazaqstan Prezıdenti.