Reseı bizge «vızalyq rejım» engizip otyr — Májilis depýtaty

ASTANA. KAZINFORM — Májilis depýtaty Ermurat Bapı Reseıdiń óz aýmaǵyna kiretin sheteldikterdi elektrondy tirkeýden ótýge májbúrleıtin erejesi Eýrazııalyq ekonomıkalyq odaqtyń múshesi sanalatyn Qazaqstan azamattaryna da qoldanylýyn «vızalyq rejım» dep baǵalady.

— Eýrazııalyq ekonomıkalyq odaqtyń negizgi qaǵıdaty — azamattardyń, taýarlar men qyzmetterdiń erkin qozǵalysy. Al bir aıǵa jýyq ýaqyt buryn Reseı birjaqty tártippen qazaqstandyqtar úshin «vızalyq rejım» engizdi. Nege birjaqty tártippen áreket etip otyr jáne bizdiń jaýabymyz qandaı bolady? Qarymta jaýap bola ma, álde únsiz qalamyz ba, — dep surady Ermurat Bapı Májilistiń jalpy otyrysynda.

Syrtqy ister mınıstriniń orynbasary Roman Vasılenko bul máseleden habary bar ekenin aıtty.

— Shynymen de biz elektrondy tirkeý engizilgenin bilemiz. Bul qazaqstandyqtarǵa ǵana emes, barsha memleketterdiń azamattaryna arnalǵan. Talap osy aıdyń aıaǵynda kúshine enedi. Qazirgi tańda máseleni zerdelep jatyrmyz. Bizdiń tarabymyzdan qabyldanatyn sharalardy qarastyryp jatyrmyz, — dep qysqa qaıyrdy dıplomat.

Eske salsaq, ótken aptada Qazaqstan men Reseı shekarasyndaǵy ótkizý beketinde qozǵalys shektelgen bolaty.