Reseı BUU Qaýipsizdik keńesiniń Sırııaǵa qatysty málimdemesine tosqaýyl qoıdy

ASTANA. 9 qańtar. QazAqparat - Reseı BUU Qaýipsizdik keńesiniń Sırııa úkimetine Aleppo qalasynyń beıbit turǵyndaryna áýeden soqqy jasaý aıyby taǵylatyn málimdemesine tosqaýyl qoıdy, dep habarlady Bı-BI-Sı-diń Orys jańalyqtary.

BUU ókiliniń habar etýinshe, Reseı Ulybrıtanııa ázirlegen málimdemege ózgertýler engizip, ondaǵy Aleppoda oryn alǵan sol bir qandy oqıǵany qarardan alyp tastaǵan. Qazirgi ýaqytta Reseı Bashar Asadtyń BUU-daǵy negizgi seriktesi ári bul el ótken jyldyń jeltoqsan aıynda AQSh ázirlegen osyǵan uqsas málimdemege de tosqaýyl qoıǵan bolatyn. Aıta keteıik, Sırııa prezıdenti Bashar Asadtyń qarýly kúshteriniń trotıl toltyrylǵan bóshkeler men Scud zymyranyn qoldaný arqyly jasaǵan mundaı áýe soqqysynan shamamen 700 adam qaza tapqan edi.