Reseı BUU Halyqaralyq sotynyń malaızııalyq Boeing-tiń qulaýy týraly sheshimimen kelispedi
ASTANA. KAZINFORM — Reseı BUU Halyqaralyq sotta Halyqaralyq azamattyq avıatsııa uıymy (IKAO) keńesiniń malaızııalyq Boeing ushaǵy MH17 reısiniń qulaýyna qatysy bar degen sheshimimen kelisken joq.
Reseı Syrtqy ister mınıstrligi bul sheshimdi negizsiz dep atap, reseılik tarap oǵan barlyq aspekti boıynsha — ıýrısdıktsııa, qoldanystaǵy quqyq, faktologııa jáne protsessýaldyq buzýshylyqtar boıynsha shaǵymdanǵanyn atap ótti.
— Halyqaralyq sottyń osy atyshýly is boıynsha erekshe beıtarap kózqaras tanytýyn kútemiz, — dep málimdedi vedomstvo.
Eske sala ketsek, 2014 jyldyń 17 shildesinde Amsterdam-Kýala-Lýmpýr baǵytynda kele jatqan Malaysia Airlines kompanııasynyń Boeing 777 ushaǵy Ýkraına jerinde atyp túsirilgen bolatyn. Borttaǵy 298 adamnyń barlyǵy qaza tapty.
2025 jyldyń 12 mamyrynda IKAO keńesi Reseı Halyqaralyq azamattyq avıatsııa týraly konventsııany buzdy jáne áýe laıneriniń apatqa ushyraýyna jaýapty degen qorytyndyǵa keldi.
IKAO — 193 múshe memleketti qamtıtyn BUU-nyń mamandandyrylǵan mekemesi. Chıkago konventsııasyna sáıkes, bul elder ushý kezinde azamattyq áýe kemelerine qarsy qarý qoldana almaıdy. Konventsııany buzý týraly sheshimdi IKAO Keńesi qabyldaıdy.
Buǵan deıin IKAO Qazaqstannyń áýe qaýipsizdigine aýdıt júrgizetinin jazǵan bolatynbyz.