Reseı brakonerlerin ustaý barysynda shekarashylar qarý qoldandy
ATYRAÝ. QazAqparat - Kaspıı teńizinde reseılik brakonerlerdi ustaý barysynda shekarashylar qarý qoldanýǵa májbúr bolǵan, dep habarlaıdy «QazAqparat» tilshisi.
«Kaspıı jaǵalaýynan teńiz ólshemimen 14 mıl qashyqtyqta ornalasqan Qulaly aralynda «baıda» júzý quralymen júrgen bes adam ustaldy. Olar shekarashylardan qashyp ketýge tyrysqan. Osyǵan baılanysty shekarashylar eskertý maqsatynda oq atqan. Brakonerler sodan keıin ǵana toqtady, eshkim zardap shekken joq. Tekserý nátıjesinde olardyń Daǵystan men Sheshenstannyń turǵyndary, ıaǵnı Reseı Federatsııasynyń azamattary ekendigi anyqtalyp otyr», - dep málimdeıdi óńirdegi orman sharýashylyǵy jáne janýarlar álemi ınspektsııasynyń resmı ókili Oleg Týshkanov.
Onyń aıtýynsha, atalǵan oqıǵaǵa qatysty QR QK 392-babyna sáıkes Qazaqstan Respýblıkasy Memlekettik shekarasyn zańsyz buzý áreketi boıynsha qylmystyq is qozǵalǵan.
Foto: 24warez.ru
