Reseı boksshysy komaǵa tústi
ASTANA. 4 qarasha. QazAqparat - M.Abdýsalamov qolynyń synýyna baılanysty bokstyq karerasynda birinshi ret jeńilistiń aşy dámin tatty. Reseı boksshysy senbi kúni kýbalyq Maık Perespen N-Iorkte ótken kezdesýden keıin jasandy komaǵa engizildi.
Medıtsınalyq tekserý barysynda ol ózin jaqsy sezinetinin aıtqan. Alaıda biraz ýaqyttan keıin basynyń qatty aýyryp turǵanyna shaǵymdanǵan. Dárigerler qosymsha tekserý júrgizip, Abdýsalamovtyń mıynda qannyń uıyp qalǵanyn baıqap, ony jasandy komaǵa engizý týraly sheshim qabyldady. Bul qadam onyń bas mıynyń zaqymdanýyn boldyrmaý úshin jasaldy, dep habarlady BoxingScene.
Kezdesýden keıin, reseılik sportshynyń birinshi raýndta-aq, qol býynyn zaqymdap alǵany anyqtaldy. Arnaıy tekserý onyń qolynyń synyq ekendigin kórsetti.
