Reseı boksshysy álem chempıony ataǵyn qorǵap shyqty
ASTANA. 14 shilde. QazAqparat - Reseı boksshysy Habıb Allahverdıev Búkilálemdik boks qaýymdastyǵynyń (WBA) nusqasy boıynsha orta salmaqta álem chempıony tıtýly úshin 38 jastaǵy frantsýz Sýleıman Mbaıemen aıqasyp, mereıi ústem boldy, dep habarlaıdy "R-Sport".
Vesti.kz saıtynyń habarlaýynsha, jekpe-jek Monakoda boks keshi sheńberinde ótti. Reseılik boksshy qarsylasyn11-raýndta tehnıkalyq nokaýtqa jiberipti.
Bul 30 jasar Allahverdıev úshin 19 jekpe-jektiń 19-shy jeńisi (onyń toǵyzy nokatýpen). Mbaıe bolsa, 40 ret jeńiske jetken eken. Onyń 22-sinde kezdesýdi sońyna deıin jetkizbeı aıaqtaǵan. Bul onyń besinshi jeńilisi, nokaýtpen ekinshi ret qana jeńilip tur.
Allahverdıev Búkilálemdik boks qaýymdastyǵynyń (WBA) nusqasy boıynsha orta salmaqta álem chempıony tıtýlyn 2012 jyly jeltoqsanda domınıkandyq Hoan Gýsmanmen aıqasyp, jeńip alǵan bolatyn.
