Reseı bendıden álem birinshiliginde Qazaqstan jáne Shvetsııa quramalarynan seskenedi

Bul týraly  Almatydaǵy baspasóz maslıhatynda Reseı bapkeri Sergeı Fırsov aıtty.

«Alaman» ulttyq sport portalynyń málimetine qaraǵanda, jarys 29 qańtarda bastalady. Álem chempıonatynda bastapqyda habarlanǵandaı, 15 emes 14 el qatysatyn boldy. Sońǵy sátte Mońǵolııa jarystan bas tartty.

«Komanda aldyndaǵy basty maqsat - álem chempıony ataǵyn qorǵaý. Biraq, aıtý bir bólek, oryndaý ońaı bolmaıyn dep tur. Shvetsııa men Fınlıandııa sapynda negizgi quramnyń birneshe oıynshylary bolmaıdy. Alaıda, bul olardyń oıyn órnegine esh áser etpeýge tıis. Qazaqstan da búgingi tańda kúsheıip aldy», - dedi Fırsov.

«Mejelengen kúntizbe ózgerissiz qala beredi. Ortalyq stadıonnyń qosalqy alańynda ótetin matchtarǵa kirý tegin bolady. Al «Medeý» muzaıdynyndaǵy matchtardyń bılet quny 200 teńge, fınaldyq matchqa kirý - 500 teńge bolmaq», - dep túsindirdi uıymdastyrýshylardyń biri Sultanbek Syzdyqov.

29 qańtar kúni Qazaqstan men Norvegııa jarystyń alǵashqy oıynyn ótkizedi. Bastalý ýaqyty Astana ýaqyty boıynsha 20.00-de.