Reseı Baıqońyrdaǵy 2018 jylǵy apatqa qatysty áli ótemaqy tólemegen

NUR-SULTAN. Qazaqparat – 2018 jyly Baıqońyrdaǵy apat boıynsha Reseı jaǵy ótemaqy tólegen joq. Bul týraly Parlament Májilisiniń jalpy otyrysynda Qazaqstan Syrtqy ister mınıstriniń orynbasary Marat Syzdyqov málim etti, dep habarlaıdy QazAqparat tilshisi.

«Osyndaı tıisti kelisim (ótemaqy týraly ) bar. Reseı tarapy keltirilgen shyǵyndy tóleý sekildi kepildikti ózine alady. Alaıda tájirıbe júzinde bul óte uzaq protsess ekenin kórip otyrmyz. Osy oraıda túrli bıýrokratııalyq tustar kezdesip jatyr», - dedi M. Syzdyqov.

Bul rette ol 2018 jyly Baıqońyrdaǵy apatty mysal retinde keltirdi.

«2018 jyly bolǵan apat boıynsha materıaldyq ótemaqy áli de tólenbedi», - dedi mınıstrdiń orynbasary.

Eske sala keteıik, 2018 jyly 11 qazanda Baıqońyr ǵarysh aılaǵynyń Gagarın start alańynan orbıtaǵa basqarylatyn kóliktik «Soıýz MS-10» kemesin alyp shyǵýy tıis «Soıýz FG» zymyran tasyǵyshy ushyryldy. Biraq start berilgen soń birneshe mınýttan keıin Roskosmos saıtyndaǵy tikeleı kórsetilim úzilip, dıktor «zymyran tasyǵyshtyń apatqa ushyraǵanyn» habarlaǵan edi.