Reseı balalarǵa ottyq satqandarǵa aıyppul salady

ASTANA. KAZINFORM - Aıyppul kólemi 3 myńnan 6 myń dollarǵa deıin bolady, dep habarlaıdy Kazinform agenttiginiń tilshisi. 

Reseı Memlekettik Dýmasy kámeletke tolmaǵandarǵa ottyq, ballon jáne basqa da qaýipti gazy bar ónimder satqany úshin aıyppul salatyn zań jobasyn qabyldady.

Ákimshilik quqyq buzýshylyq týraly kodekske (ÁQBK) ózgerister engiziledi.

Quramynda gazy bar turmystyq buıymdardy balalarǵa (tizbesin úkimet belgileıdi) satqany úshin zańdy tulǵalarǵa 600 000 rýbl (shamamen 6 myń AQSh dollary), laýazymdy tulǵalarǵa 300 000 rýbl (shamamen 3 myń AQSh dollary), jeke tulǵalarǵa 60 000 rýbl (shamamen 600 AQSh dollary) aıyppul salynady. 

Zań 2025 jyldyń 1 qyrkúıeginde kúshine enedi.

2016-2023 jyldary Reseıde quramynda gazy bar ónimderden ýlanyp, 817 bala men jasóspirim qaıtys boldy. 2023 jyly 77 kámeletke tolmaǵan bala qaıtys boldy, onyń 33-i 14 jasqa tolmaǵan. 

Zań kúshine engennen keıin satýshylar quramynda gazy bar ónimderdiń tólqujatyn tekserýi kerek. Qashyqtan satý kezinde satyp alýshynyń jasyn tekserý ádisin úkimet belgileıdi. Sonymen qatar quramynda suıytylǵan kómirsýtek gazy bar zattardy nasıhattaıtyn nemese kórsetetin aqparatty taratýǵa shekteýler engiziledi.