Reseı BAÁ-ge jáne Irannyń áýe keńistigi arqyly ushýǵa qoıǵan shekteýlerdi alyp tastady
MÁSKEÝ.KAZINFORM — Rosavıatsııa Reseıdik Kólik mınıstrligi men Syrtqy ister mınıstrliginiń ustanymyn eskere otyryp, reseılik avıakompanııalarǵa BAÁ-ne baratyn/keletin reısterge bılet satýdy toqtata turý týraly usynymdardy alyp tastady, dep habarlaıdy agenttik tilshisi RF Kólik mınıstrligine silteme jasap.
Sondaı-aq reseılik avıakompanııalardyń Irannyń áýe keńistigi arqyly ushýyna qoıylǵan shekteýler alynyp tastaldy. Tranzıttik reıster men osy eldiń áýejaılaryna ushýlar ırandyq avıabılik organdardyń barlyq usynymdaryn qatań saqtaı otyryp oryndalýy múmkin.
Budan basqa, Kólik mınıstrligi men Rosavıatsııa mamandary Taıaý Shyǵystaǵy azamattyq avıatsııanyń jumysymen baılanysty jaǵdaıdy taldaýdy jalǵastyrýda, qajet bolǵan jaǵdaıda osy aımaqtaǵy Reseı avıakompanııalarynyń reısterine túzetýler engizý úshin.
Eske sala keteıik, Qazaqstan Taıaý Shyǵystaǵy alty eldiń mańynda ushýǵa tolyq tyıym saldy.
