Reseı azamaty kómek qolyn sozǵan elordalyq polıtseılerge alǵys aıtty
ASTANA. QazAqparat - Astana qalalyq polıtsııa departamentine Reseı Federatsııasynyń azamaty D.Sh.Isabaevtan hat tústi. Ol elordalyq polıtsııa bastyǵy Marat Qojaevqa, qıyn sátte qol ushyn bergen polıtsııa qyzmetkerlerine alǵys bildirgen, dep habarlaıdy QazAqparat vedomstvonyń baspasóz qyzmetine silteme jasap.
«Men Reseıden kelgen qonaq retinde polıtseılerdiń azamattarǵa degen qatynasyna tańǵaldym. Qazaqstan Respýblıkasynda osyndaı sátterge kýá bolatyndyǵyna qýanyshtymyn», - delingen D.Sh.Isabaevtyń hatynda.
Reseıden kelgen qonaq elordalyq polıtsııa basshysyna polıtsııa qyzmetkerleri - aǵa leıtenant N. Ábý Asqar, kishi serjant M.Hamzına, qatardaǵy R.Atabaevtyń áreketi úshin alǵys aıtty.
«2019 jyldyń 24 aqpanynda kóligimnen túsken kezde esikterim qulyptanyp, kilt ishte qalyp qoıdy. Men ne isterimdi bilmeı turǵan kezde kómek berý úshin sizderdiń qyzmetkerlerińiz keldi. Árqaısysy kelip, ashýǵa talpynǵannan keıin esigim ashyldy», - dep jazdy D.Sh. Isabaev.
Astana polıtsııa departamenti hat avtoryna alǵys aıtty.
