Reseı azamaty anasynyń denesin 3 jyl boıy jerlemeı saqtap, zeınetaqysyn alyp turǵan
ASTANA. QazAqparat - Essentýkıde 60 jastaǵy satýshy qaza tapqan anasynyń múrdesin mýmııaǵa aınaldyryp, úıinde saqtap, úsh jyl zeınetaqysyn alyp otyrǵan. Er adam múrdeniń búlinip, ıisi shyqpas úshin ony tuzdap saqtaǵan.
Essentýkı turǵyndary kórshileriniń jumbaq, bir túrli minezin baıqaǵan. 60 jastaǵy er adam úıine únemi qoraptar tasyp júredi eken. Kórshileri páterde ne bolyp jatqanyn anyqtaý úshin polıtsııa shaqyrtqan. Polıtsııa qyzmetkeri mekenjaı boıynsha kelgende, bólme ortasynda mýmııalanǵan áıeldiń múrdesin tapqan.
- Aldyn ala derekter boıynsha, 1925 jyly týǵan áıeldiń múrdesi bólmede shamamen úsh jyldaı ustalǵan. Onyń 1955 jyly týǵan uly anasyn jerlemegen. Ol mundaı qadamǵa anasyn qatty jaqsy kórip, ajyraǵysy kelmegennen barǵanyn aıtty. Er adam osy ýaqyt ishinde múrde búlinip ketpes úshin ony tuzben óńdep kelgen, ári senimhat boıynsha anasynyń 16 myń rýbl zeınetaqysyn da alyp otyrǵan, - dedi RF TK Stavropol ólkesi boıynsha TB basshysynyń aǵa kómekshisi E. Danılova.
