Reseı azamaty aqtóbelik polıtsııa qyzmetkerine para bermek boldy

AQTÓBE. QazAqparat - Reseı Federatsııasynyń azamatyna polıtsııa qyzmetkerine para berýge tyrysqany úshin qylmystyq is qozǵaldy, dep habarlaıdy Polisia.kz.

8 qarashada Aqtóbeniń irgesindegi Zarechnyı eldi mekeninde JQE buzǵany úshin 56 jastaǵy júrgizýshiniń basqarýyndaǵy Volvo FN júk avtokóligi toqtatylǵan.

Júrgizýshi QR ÁQBtK-niń 601-babynyń 2-bóligi boıynsha ákimshilik jaýapkershilikten qutylý úshin polıtsııaǵa para usynǵan.

Polıtsııa qyzmetkeri aqshadan bas tartqan.

Prıntsıpti berik ustanǵan polıtseı sybaılas jemqorlyq qylmysy týraly óziniń tikeleı basshylyǵyna jáne ózindik qaýipsizdik basqarmasyna habarlaǵan.

Qazirgi ýaqytta atalǵan fakti boıynsha QR QK-niń 367-babynyń 1-bóligimen (Para berý) boıynsha sotqa deıingi is qozǵalyp, tergeý júrip jatyr.