Reseı azamaty 6 jyl boıy Qazaqstannan zańsyz zeınetaqy alyp kelgen
ShQO polıtsııa departamenti baspasóz qyzmetiniń málimetine súıensek, kóshi-qon qyzmetiniń mamandary zeınetaqy tóleý jónindegi memlekettik ortalyqpen salystyryp-tekserý júrgizý kezinde Shemonaıha aýyly turǵynynyń Reseı Federatsııasynyń azamattyǵyn alǵanyn anyqtady.
Belgili bolǵandaı, er adam 2005 jyly RF Altaı aımaǵynda sol eldiń azamattyǵyn qabyldaǵan.
Alaıda sol týraly QR Іshki ister organdaryna habarlamady.
Osylaısha ol Reseı azamaty bola otyryp, 6 jyl boıy Qazaqstan aýmaǵynda zeınetaqy jasyna jetkennen keıin aı saıyn zeınetaqy alyp kelgen.
«Oǵan QR qujattaryn paıdalanǵany úshin ÁQBtK-niń 496-baby boıynsha 100 AEK kóleminde aıyppul salyndy. Qazirgi ýaqytta qazaqstandyq qujattary tárkilengen er adam el azamattyǵynan aıyryldy», - dedi oblystyq PD bastyǵy Saǵat Mádıev.
