Reseı azamaty 19-qabattan qulap ketip, aman qaldy

VORONEJ. TASS – QazAqparat – Voronejde er adam kóppáterli úıdiń 19-qabatynan qulap ketip, tiri qaldy. Bul týraly QazAqparat TASS agenttigine silteme jasap habarlaıdy.

40 jastaǵy azamat úıdiń aýlasyndaǵy avtokólikke qulaǵan, dep málim etti TASS-qa qalalyq jedel medıtsınalyq kómek qyzmetinen.
«1982 jyly týǵan er adam Kolesnıchenko kóshesindegi úıdiń 19-qabatynan qulaǵan. Ol bas súıek-mı jaraqatyn, omyrtqanyń kompressııaly synyǵyn alǵan», - dedi agenttikke medıtsına qyzmetkeri.
Oqıǵa 3 sáýir kúni saǵat 20:00 shamasynda bolǵan. Er adam aýladaǵy turaqqa qoıylǵan jeńil kóliktiń ústine qulaǵan. Ol Voronej qalasynyń №1 Jedel medıtsınalyq kómek aýrýhanasyna jatqyzyldy. Voronej oblysy densaýlyq saqtaý departamentiniń jýrnalısterge habarlaýynsha, dárigerler onyń jaǵdaıyna qanaǵattanarlyq degen baǵa berip otyr.
Bul oqıǵanyń vıdeosy Telegram-arnalarda tarap, onda er adam kelgen qutqarýshylardyń kómegimen eki aıaǵyna tura alǵanyn kórýge bolady.