Reseı azamattary ishimdik saýdasyna tyıym salýdy talap etip otyr
ASTANA. 29 naýryz. QazAqparat - Reseı Federatsııasy turǵyndarynyń kóbisi (76 %) 21 jastan tómen balalarǵa araq-sharap satpaý jónindegi bastamany qoldap otyr. Muny Búkilreseılik qoǵam pikirin zerdeleý ortalyǵynyń jasaǵan saýalnama qorytyndysy rastaýda.
muslim.kz saıtynyń jazýynsha, atalmysh bastamany basym kópshiligi egde tartqandar men qart adamdar (80-81 %) qoldaǵan, al jobany qoldaýshy erler men áıelderdiń úlesin eseptegende, erlerge (70%) qaraǵanda áıelder (81%) belsendilik tanytqan.
Al eldiń árbir besinshi turǵyny «ishimdik túrlerin satýǵa ruqsat beriletin jas shamasyn taǵy da joǵarylatý kerek» degen ıdeıanyń júzege asatynyna shúbámen qaraǵan. Búkilreseılik qoǵam pikirin zerdeleý ortalyǵy osyǵan qatysty saýalnamany «Trezvaıa Rossııa» atty federaldy joba aıasynda júrgizdi. Bul saýalnamaǵa eldiń 42 aımaǵyndaǵy 130 eldimekenniń 1,5 myń turǵyny qatysqan.
