Reseı azamatshasy QR Azamattyq zańnamasyn buzǵan
PAVLODAR. QazAqparat - Pavlodar oblysynyń Sharbaqty avtobeketinde Qazaqstan Respýblıkasy men Reseı Federatsııasynyń shekarasyn kesip ótý kezinde Reseı azamatshasy ustaldy, dep habarlaıdy QazAqparat Polisia.kz saıtyna silteme jasap.
Áıel adam 2020 jylǵy sáýirde Reseı azamattyǵyn qabyldaǵan, soǵan baılanysty ol Qazaqstan azamattyǵynan aıyrylǵan. Bul týraly belgilengen ýaqytta quzyretti organdardy habardar etpegen.
Osy is-áreketi úshin QR Ákimshilik quqyq buzýshylyq týraly Kodeksiniń 496-babynyń 2-tarmaǵynda kózdelgen ákimshilik jaýapkershilikke tartyldy. Aýdandyq sottyń sheshimi boıynsha ol Qazaqstan Respýblıkasynan shyǵarý túrinde ákimshilik jazaǵa tartyldy.
