Reseı azamaty araǵa 59 jyl salyp Astanada anasymen qaýyshty

ASTANA. KAZINFORM – Astanalyq polıtseıler Reseı azamatyna 59 jyldan keıin anasyn tabýǵa kómektesti. Anasy men qyzynyń kezdesýin ýchaskelik ınspektor Baqytjan Sarmanov uıymdastyrdy.

- Bıyl naýryzda polıtsııa pýnktiniń qyzmettik nómirine 59 jastaǵy Reseı Federatsııasynyń azamatshasy habarlasyp, anasyn tabýǵa kómek suraǵan. Maıor Sarmanov jan-jaqty tekserý júrgizip, áıeldiń týysyn anyqtaı aldy. Áıel áýe bıletin satyp alyp, jaqynda Qazaqstanǵa ushyp keldi, - dep habarlaıdy Polisia.kz.

Anasymen qaýyshqan Reseı azamaty elordalyq polıtseıge sheksiz alǵysyn jetkizdi. Anyqtalǵandaı, ol anasyn kóptegen jyl boıy taba almaı júrgen.

– Men tipti adamdardy izdeýmen aınalysatyn telebaǵdarlamaǵa da júgindim, biraq, eshqandaı nátıje bolmady. Al Baqytjan Sarmanov meniń týystarymdy taýyp berdi. Shetel azamaty retinde men Qazaqstan polıtsııasynyń zeıindiligi men uqyptylyǵyna tańǵaldym, - dedi reseılik áıel.

Qyzymen qaýyshqan 78 jastaǵy qart ana kóz jasyn tyıa almaı, tártip saqshylaryna razylyq tanytty.

– Bul ofıtser meniń oqıǵama túsinistikpen qarap, shynaıy janashyrlyq tanytty. Ol óz qyzmettik boryshyn jedel ári adal oryndady. Osyndaı qyzmetker úshin alǵys bildiremin jáne sizderge osyndaı úlgili polıtseıler kóp bolsyn dep tileımin, - deıdi qarııa.

Buǵan deıin Atyraýda byltyr qazanda joǵalǵan boıjetkendi Jaıyqtan izdeý qaıta jalǵasqany týraly habarlaǵan edik.