Reseı aýmaǵynda birqatar terrorıstik aktilerge jol bermedik - Ulttyq qaýipsizdik komıteti

ASTANA. QazAqparat - QR Ulttyq qaýipsizdik komıteti Reseı aýmaǵynda birqatar terrorıstik aktilerdiń jolyn kesti, dep xabarlaıdy QazAqparat tilshisi.

«Ótken jyly biz federaldy qaýipsizdik qyzmetimen birlese otyryp, Reseı aýmaǵynda úsh terrorıstik aktiniń jolyn kestik. Máselen, Máskeýde mamyr aıyndaǵy merekeler kezinde Shelkov tas jolynda birlesken sharany ótkizdik. Budan bólek, jyldyń basynda Ortalyq Reseı aımaqtarynda birqatar aktilerge, sosyn jyldyń sońynda bir qaýipti áreketke jol berilmedi»,-dedi QR Ulttyq qaýipsizdik komıteti tóraǵasynyń orynbasary Nurǵalı Bilisbekov Úkimettiń búgingi otyrysynda.

Aıta keteıik, búgin komıtet basshysynyń orynbasary Sankt-Peterbýrg qalasyndaǵy teraktige qatysty buqaralyq aqparat quraldarynda tarap júrgen aqparatqa da túsinikteme berdi . QR Qorǵanys mınıstri Sáken Jasuzaqov jer ýchaskelerin qarý-jaraq qoımalaryna jaqyn bermeý qajettigin eske saldy .