Reseı áýejaıynyń kúzetshilerine elektroshoker qoldanýǵa ruqsat berilýi múmkin
ASTANA. QazAqparat - Reseı Gosdýmasynyń qaralymyna áýejaı kúzetshileriniń elektroshoker qoldaný quqyǵy týraly zań jobasy usynyldy, dep habarlaıdy TASS.
Qujatta atalmysh bastama «kólik qaýipsizdigi qyzmetkerlerine azamattyq qorǵaný qarýy, ıaǵnı elektroshok qurylǵylaryn qoldanýǵa ruqsat beretin normalardy qarastyrady» dep jazylǵan.
Elektroshokerlerdi jekemenshik kúzet, sot prıstavtary, Ańshylyqty memlekettik qadaǵalaý polıtsııa qyzmetkerleri, Reseı Gvardııasy jaýyngerleri jáne qarapaıym azamattar qoldana alady. Reseı azamattary men sheteldikter mundaı qarýdy lıtsenzııasyz-aq satyp ala alady.
Kólik qaýipsizdigi qyzmetkerlerine atys qarýyn qoldanýǵa ruqsat berilmegen, sebebi halyq kóp jınalatyn nysandarda adamdarǵa oq tıip ketýi múmkin.
