Reseı áýejaıyna qonýǵa tıis ushaq ushý-qoný jolaǵynan shyǵyp ketti

ASTANA.KAZINFORM - Oqıǵa Norılsk áýejaıynda bolǵan. Bort ishinde 79 jolaýshy otyrǵan, dep habarlaıdy TASS.

Máskeý-Norılsk baǵyty boıynsha ushatyn «Sibir» áýe kompanııasynyń Airbus 321A ushaǵy Norılsk qalasyna qoný kezinde ushyp-qoný jolaǵynan shyǵyp ketken. 

— Aldyn ala málimet boıynsha N.N.Ýrvantsev atyndaǵy Norılsk halyqaralyq áýejaıynda Máskeý qalasynan ushyp kele jatqan «Sibir» áýe kompanııasynyń Airbus 321A ushaǵy qonýy aıaqtalǵannan keıingi burylys kezinde ushý-qoný jolaǵynan shyǵyp ketti, - delingen Batys Sibir kólik prokýratýrasynyń habarlamasynda.

Ushaq bortynda 79 jolaýshy bolǵan. Áýe kemesi ýaqytsha toqtatyldy. Qazirgi ýaqytta oqıǵanyń sebepteri men mán-jaıy anyqtalyp jatyr. Máskeýge qaıtar reıs úshin rezervtik ushaq bólindi, ushyp shyǵý saǵat 15:30-ǵa josparlanǵan.

Norılsk kólik prokýratýrasy ushý qaýipsizdigi zańnamasynyń oryndalýyna tekserý uıymdastyryp, keshiktirilgen reısti kútý kezinde jolaýshylardyń quqyqtaryn saqtaý boıynsha qadaǵalaý sharalaryn júrgizip jatqany atalyp ótti.