Reseı áýe kúshteri Sý-25 ushaǵy atyp túsirilgen aýmaqqa soqqy jasady
ASTANA. QazAqparat - Sırııada SÝ-25 shabýyldaýshy ushaǵyn atyp túsirgen kóshpeli zenıttik keshen zymyrany jiberilgen aýmaqqa dáldigi joǵary qarýmen soqqy jasalyp, «Djebhat an-Nýsra» lańkestik uıymynyń 30 sodyrynyń kózi joıyldy, dep jazdy TASS.
"Idlıb provıntsııasyndaǵy «Djebhat an-Nýsra» lańkestik toby óz qaramaǵyna alǵan, SÝ-25 shabýyldaýshy ushaǵyn atyp túsirgen kóshpeli zenıttik keshen zymyrany jiberilgen aýmaq boıynsha dáldigi joǵary qarýmen soqqy jasaldy", - dep habarlady RF Qorǵanys mınısrligi.
Mekeme otyzdan atsam «Djebhat an-Nýsra» sodyrynyń kózi joıylǵanyn habarlady.
Senbi kúni, mekeme habaryna sáıkes, "Idlıb" deeskalatsııa aımaǵy ústinde sholý tapsyrmasyn oryndaý kezinde reseılik Sý-25 ushaǵy atyp túsirildi. Ushqysh «Djebhat an-Nýsra» sodyrlary baqylaýyndaǵy aýmaqqa katapýlta jasaǵandyǵy jóninde baıandap úlgergen. Terrorıstermen atysta ushqysh mert bolǵan.
Qazir Sırııadaǵy Reseıdiń ymyralasý ortalyǵy túrkııalyq tarappen birlesip, qaza tapqan ushqyshtyń denesin qaıtarýǵa áreket etýde.
