Reseı áýe desanty áskeriniń 81 jyldyǵyn atap ótýde
ASTANA. 2 tamyz. QazAqparat - Búgin, 2 tamyzda Reseıde Áýe desanty áskeri qurylǵanynyń 81 jyldyǵy atalyp ótilýde.
Ózderiniń kásibı merekelerin kezinde kógildir beret pen telnıashki kıgen, búginde «qanatty gvardııa» sapynda boryshtaryn ótep jatqan mıllıondaǵan reseılikter toılaıtyn bolady, dep habarlaıdy ITAR-TASS.
Reseı áýe desanty áskeriniń týǵan kúni Máskeý áskerı okrýginiń oqý jattyǵýy kezinde Voronej qalasynyń ústinen alǵash ret quramy on eki adamnan turatyn desanttyq bólimsheniń parashıýtpen sekirgen kúni 1930 jyldyń 2 tamyzy bolyp sanalýda. Al 1932 jyly áýedesanttyq bólimsheni qalyptastyrý bastaldy. 1941 jyly áýe desant brıgadasy bazasynda árqaısysy 10 myń adamnan turatyn korpýs quryla bastady.
Qazir desantshylar ózderin «Vasıa aǵaıdyń áskerimiz» dep ázildeıdi. Óıtkeni áýe desanty áskerin búgingi kún talabyna saı negizdegen armııa generaly Vasılıı Margelov bolatyn.
