Reseı astyq eksportyna salynǵan moratorııdi uzartty
ASTANA. Qazannyń 23-i. QazAqparat - RF Úkimeti astyq eksportyna salynǵan moratorııdi 2011 jyldyń shilde aıyna deıin uzartty. Bul týraly Úkimet tóraǵasy Vladımır Pýtın Dondaǵy Rostovta ótken aýyl sharýashylyǵyn damytý máselelerine arnalǵan kóshpeli keńeste málim etti, dep habarlaıdy Utro.ru basylymy.
Premerdiń aıtýynsha, qurǵaqshylyqqa qaramastan, elde 60 mıllıon tonnadaı astyq jınalyp otyr. «Bul ózimiz boljaǵan kólemmen shamalas. Biz endi qansha resýrsqa ıe ekenimizdi jáne astyq teńgerimi qandaı bolatynyn anyq bilip otyrmyz», - dedi Pýtın óz sózinde.
Aýyspaly qordy, ınterventsııalyq qor rezervterin qosa eseptegende, jınalǵan astyqtyń eldiń suranysyn tolyq qamtamasyz etýge múmkindik beretinin atap kórsetken V.Pýtın, «mal sharýashylyǵy úshin de astyq jetkilikti. Biraq ta ázirge astyq eksportynan bas tartýǵa týra keledi - ishki azyq-túlik naryǵynyń turaqtylyǵy biz úshin basymdyqty másele bolýy tıis»,- dep túıindedi óz sózin.
