Reseı astyǵyn Qazaqstan arqyly zańsyz eksporttaýshylar anyqtaldy

PAVLODAR. QazAqparat - Qarjylyq monıtorıng agenttiginiń Pavlodar oblysy boıynsha departamenti óńirdegi kólik prokýratýrasynyń úılestirýimen zańsyz astyq eksporttaýshylardy anyqtady, dep habarlaıdy QazAqparat.

«Qazaqstan aýmaǵy arqyly úshinshi elderge odan ári eksporttaý maqsatynda reseılik astyqtyń sur ımportynyń shemasy belgili boldy. JShS 2021-2022 jyldary 1 mlrd teńgeden astam somaǵa 8,3 myń tonna reseılik astyqty Ózbekstan, Aýǵanstan jáne Tájikstanǵa eksporttaǵan.

Bul rette qazaqstandyq kompanııa jeńildetilgen eksporttyq tarıfti alý úshin otandyq sharýa qojalyqtarynan astyqty qazaqstandyq ekenin rastaıtyn jalǵan shot-faktýralardy paıdalanǵan, bul tranzıttik tarıften jaltaryp, «QTJ Júk tasymaly» JShS-ne 150 mln teńgege jýyq somasynda zalal keltirýge ákep soqty», - dep jazdy vedomstvodan.

Sotqa deıingi tergeý jalǵasýda.